Анхны хувилбараа 1985 онд Apple Macintosh-т зориулан Adobe фирм гаргаж байснаас өнөөгийн 2023 хувилбар гарах хүртэл нийт 27 удаа шинэчилж байжээ. Adobe Illustrator нь Photoshop программын дагалдах хувилбар байдлаар гарч байсан бөгөөд Photoshop нь дижитал зургийн хувиргалт, зурах болон дүрслэх дээр үндсэн үүрэгтэй байсан бол Illustrator нь үсэг өрөх болон лого болон дүрслэлийг зурах үүргийг хариуцдаг байв.
Illustrator –ийн 7 дахь хувилбар нь өмнөх төвөгтэй байсан хэрэглэгчийн дэлгэцийг өөрчлөн Photoshop той илүү ойролцоо төрхтэй болж өөрийгөө өргөтгөх боломж буюу plug-in –аар хангах боломжтой болжээ. Харин windows үйлдлийн систем рүү шилжээд удаагүй байсан энэ программ маань тухайн зах зээлд аль хэдийн нэр хүндийг олоод байсан Corel Draw программаас дутуу зүйлс олон байв. Харин 2003 оноос эхлэн гарсан illustrator CS загвар гарч эхэлснээс хойш шат дараатайгаар олон олон чадвар нэмэлтүүдийг нэмснээр улам хүчирхэг болон хөгжжээ.
Illustrator программыг үндсэн чадварууд нь вектор график ашиглан лого дизайн, типограф, калиграф, хэвлэлийн бэлдэц, зураг чимэглэл юм. Эдгээр нарийн чанартай гардаг боломжуудыг ашиглаад зураг, газрын зураг, техникийн зураг зүй, диаграм зэрэгт түлхүү ашигладаг.
Программ нь муруй болон дүрсүүдийг үүсгэн тэдний холимгоор хэрэгцээт багажаар хүссэн үр дүнд хүрнэ. Энэ багажуудад зурах, бичих, будах, хэлбэр өөрчлөх, зүсэх болон тастах гэх мэт олон багажуудын боломж чадварыг мэдэж авснаар хүссэн үр дүнд хүрнэ. Ямар ч мужаан өөрийн багажийн онцлогийг мэдэж чадварлаг ашиглан бүтээл гаргадагтай ижил юм.
