“Си Си Ай Си Эм Эн Эйч Кэй” ХХК нь БНХАУлсын гаалийн харьяа төрийн өмчит хөрөнгө оруулалттай “Хятадын Хяналт Шалгалт, Баталгаажуулалтын Групп” ХХК (China Inspection and Certification Group Co.,Ltd)-д харьяалагддаг нүүрсний болон эрдсийн шинжилгээний лаборатори бөгөөд туршилтын тайланг үндэслэн шалгалтын гэрчилгээ олгодог. Мөн Монгол улсаас эскпортлож буй нүүрс болон бусад ашигт малтмалд шинжилгээ хийж БНХАУ-ын албан ёсны CCIC шинжилгээний дүгнэлтийг гаргах юм. Тус шинжилгээний дүгнэлтийг Монгол Улсын нутаг дэвсгэрт олгосноор экспортын цаг хугацааг багасгаж, улмаар бизнесийн үр ашгийг нэмэгдүүлэх чухал ач холбогдолтой.

Төв лаборатори нь 2022 оны 1-р сараас үйл ажиллагаагаа эхлүүлэнба нүүрсний техникийн, коксжих шинж чанарын болон худалдааны 5 элементийн шинжилгээ, газрын тос, жонш, төмөр болон зэсийн баяжмалын элементийн шинжилгээг Монгол, Хятад улсын болон олон улсын стандарт арга аргачлалын дагуу хийж гүйцэтгэхээр Монгол улсын Үндэсний итгэмжлэлийн төвөөр итгэмжлэгдсэн.