Монгол Улсын нутаг дэвсгэрийн 66 хувь /1.033.00 км2/, хүн амын 72 хувийг хамарч, 220, 110, 35 кВ-ын 82 дэд станц, 220 кВ-ын 2032.82 км, 110 кВ-ын 3227.10 км, 35 кВ-ын 19.12 км цахилгаан дамжуулах агаарын шугамаар Улаанбаатар хот, Дархан-Уул, Орхон, Булган, Архангай, Өвөрхангай, Сэлэнгэ, Хөвсгөл, Баянхонгор, Төв, Дорноговь, Дундговь, Хэнтий, Говьсүмбэр, Өмнөговь, Сүхбаатар, Завхан зэрэг аймгуудын 300 гаруй сум суурин газрыг цахилгаан эрчим хүчээр хангаж, 110, 220, килоВольтын цахилгаан дамжуулах агаарын шугам, дэд станцын ашиглалт, засвар үйлчилгээг хариуцан ажиллаж байна.

Цахилгаан дамжуулах үндэсний сүлжээ ТӨХК 10 хэлтэс, 1 төсөл хэрэгжүүлэх нэгж, Улаанбаатар, Төвийн бүс, Хангайн бүс, Зүүн-Өмнөд бүс, Говийн бүс гэсэн орон нутгийн 5 салбартай үйл ажиллагаа явуулж байна.

Компанийн нийт ажилтны 52 хувийг инженер техникийн ажилтан, 31.2 хувийг эмэгтэй ажилтан эзэлж байгаа бол ажилтнуудын 73 хувь нь дээд боловсрол эзэмшсэн бол 6.4 хувь нь магистрын зэрэгтэй байна. Компанийн хэмжээнд 53 зөвлөх, мэргэшсэн инженер ажиллаж байна.

1. Цахилгаан дамжуулах,
2. 220 килоВольт болон түүнээс дээш хүчдэлтэй цахилгаан дамжуулах шугам, дэд станцын, засвар, угсралт, түүний туршилт тохируулга, дагалдах ажил, үйлчилгээ эрхлэх,
3. 4-110 килоВольт болон түүнээс дээш цахилгаан дамжуулах шугам, дэд станцын техник, эдийн засгийн үндэслэл, зураг төсөл боловсруулах,
4. Цахилгаан импортлох (ОХУ-аас), (БНХАУ-аас),
5. Мэргэжлийн сургалтын үйл ажиллагаа эрхлэх,
6. Харилцаа холбооны үйлчилгээний сүлжээ байгуулах, түүний ашиглалт, үйлчилгээ эрхлэх.