Хархорум хотын дунд, богино хугацааны хөгжлийн бодлого, хот төлөвлөлтийн баримт бичиг боловсруулах, хэрэгжилтэд хяналт тавих, газар зохион байгуулалтын төлөвлөгөөг боловсруулахад хяналт хийх ажлыг зохион байгуулж, гүйцэтгэлийг Газрын даргын өмнө хариуцна.
“Хархорум” хотын хөгжлийн ерөнхий төлөвлөгөөг хэрэгжүүлэх хүрээнд хийгдэх хөрөнгө оруулалт, эдийн засгийн тооцоо судалгаа, үр ашгийн тооцоо хийх, төсөл, хөтөлбөр боловсруулах чиг үүргийг хэрэгжүүлж, гүйцэтгэлийн үр дүнг хэлтсийн даргын өмнө хариуцна.
Архив, бичиг хэргийн ажилтан нь албан хэрэг хөтлөлтийн шатанд баримт бичгийн эмх цэгц, бүрэн бүтэн байдлыг хариуцах, архивын фонд, архивын баримтын хадгалалт, хамгаалалт, нөхөн бүрдүүлэлт, ашиглахтай холбогдсон үйл ажиллагааг хариуцан ажлын гүйцэтгэлийн үр дүнг тайлагнана.
Байгууллагын нягтлан бодох бүртгэл хөтлөх, албан хаагчдын цалин хөлс, тэтгэмж, урамшуулал олгох, татварын тайлан, нийгмийн даатгал, эрүүл мэндийн даатгалын шимтгэл төлөлтийг баталгаажуулах, өр авлагын тооцоо болон эд хөрөнгийн ашиглалт, хадгалалт, хамгаалалтад хяналт тавих няравын өдөр тутмын ажлыг хянах бараа материал болон үндсэн хөрөнгийн тайлан хийх зэрэгтэй холбогдсон харилцааг зохицуулахад оршино.
Төрөөс бүс нутаг, хот төлөвлөлтийн талаар гаргасан бодлого, шийдвэрийг хэрэгжүүлэх, уялдаа холбоог хангах, Хархорум хотын дунд, богино хугацааны хөгжлийн бодлого, хот төлөвлөлтийн баримт бичиг боловсруулахад хариуцсан чиглэлийн хүрээнд хяналт тавих, хот төлөвлөлтийн чиглэлээр эдийн засгийн тооцоо, суурь судалгаа хийж, гүйцэтгэлийг Газрын даргын өмнө хариуцна.
Хархорум хотын төлөвлөлт, бүтээн байгуулалтад шаардлагатай цахилгаан хангамжийн нэгдсэн шугам сүлжээний суурь судалгаа, баримт бичиг, ажлын зураг төсөл боловсруулах ажлыг зохион байгуулах, хэрэгжилтэд хяналт тавих чиг үүргийг хэрэгжүүлж гүйцэтгэлийн үр дүнг нэгжийн даргын өмнө хариуцна.
Хархорум хотын төлөвлөлт, бүтээн байгуулалтад шаардлагатай усан хангамж, ариутгах татуургын шугам сүлжээний суурь судалгаа, баримт бичиг, ажлын зураг төсөл боловсруулах ажлыг зохион байгуулах, хэрэгжилтэд хяналт тавих чиг үүргийг хэрэгжүүлж гүйцэтгэлийн үр дүнг нэгжийн даргын өмнө хариуцна.
