• ТУЗ-ийн болон гүйцэтгэх удирдлагын гаргаж буй шийдвэр нь хууль тогтоомж дүрэм журамд нийцэж байгаа эсэхэд хяналт тавих, зөрчил гарахаас урьдчилан сэргийлэх;
• Компанийн гүйцэтгэх удирдлага удирдаж буй сангийн хөрөнгө оруулагчид, хувьцаа эзэмшигчид ялангуяа хяналтын бус хувьцаа эзэмшигчдийг мэдээллээр хангах үүргээ хэрхэн хэрэгжүүлж байгаад хяналт тавих;
• Компани болон удирдаж буй сангийн дотоод хяналт, эрсдэлийн удирдлагын зохистой тогтолцоо бүрдсэн эсэхэд хяналт тавих; 
• Хууль тогтоомжид заасан бусад чиг үүргүүд.

Тавигдах шаардлага: 

Хараат бус гишүүнд нэр дэвшигч нь Компанийн тухай хуулийн 79.1 дэх заалт, “Төрийн өмчит компанийн төлөөлөн удирдах зөвлөлийн Хараат бус гишүүнийг сонгон шалгаруулах нийтлэг журам”-д  зааснаас гадна дараах нийтлэг шаардлагыг хангасан байна:

1. Эрүүгийн хуульд заасан эдийн засгийн, авлигын, өмчийн эсрэг гэмт хэрэгт шүүхийн шийдвэрээр гэм буруутай нь тогтоогдож байгаагүй байх;
2. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 20, 21, 22 дугаар зүйлд харшлаагүй байх;
3. Өөрөө, эсхүл нэгдмэл сонирхолтой этгээд нь компанийн болон компани оролцогч нь болж байгаа компанийн нэгдлийн бусад оролцогчид ажил, албан тушаал эрхэлдэггүй, эсхүл сүүлийн 3 жилийн хугацаанд ажил, албан тушаал эрхэлж байгаагүй;
4. Тодорхой албан тушаал эрхлэх буюу үйл ажиллагаа явуулах эрхийг нь шүүхийн шийдвэрээр хассан, Эрүүгийн хуульд заасан гэмт хэрэг үйлдэж шүүхээс ял шийтгүүлээгүй байх;
5. Санхүүгийн зохицуулах хорооноос баталсан “Тохиромжтой этгээдийг тодорхойлох журам”-д заасан шаардлага болон бусад холбогдох хууль тогтоомжийн шаардлагыг хангасан байх;

Бүрдүүлэх материал: 

1. Төрийн албан хаагчийн анкет (Маягт №1);
2. Боловсролын түвшинг тодорхойлсон баримт бичиг (диплом)-ийн эх хувийг нотариатаар гэрчлүүлсэн хувь (гадаадад их, дээд сургууль төгссөн бол баталгаат орчуулгын хамт);
3. Мэргэшүүлэх сургалтад хамрагдсан бол гэрчлэх баримт бичиг;
4. Иргэний үнэмлэхийн хуулбар;

5.Ажилласан жилийг тооцох хөдөлмөрийн болон нийгмийн даатгалын шимтгэл төлөлтийн лавлагаа;

6. Цээж зураг, 2 хувь (4х3-ийн хэмжээтэй бөгөөд нэг ширхэг нь анкет дээр наагдсан байх);
7. Шүүхийн хүчин төгөлдөр шийдвэрээр ял шийтгүүлж байсан болон байгаа эсэх лавлагаа;
8. Урьд нь ажиллаж байсан 2-оос доошгүй байгууллагын эрх бүхий албан тушаалтны ажил байдлын тодорхойлолт;
9. Банк санхүүгийн байгууллагын хугацаа хэтэрсэн өр төлбөргүй тухай лавлагаа;
10. Компанийн засаглалын гэрчилгээний хуулбар;
11. Үнэт цаасны зах зээлд хөрөнгө оруулалтын үйл ажиллагаа эрхлэх эрхийн үнэмлэхийн хуулбар;
12. Компаниас шаардсан бусад материал

Сонгон шалгаруулалтын материал хүлээн авах хугацаа болон хаяг:

 Сонгон шалгаруулалтад орох иргэний материалыг 2025 оны 03 дугаар сарын 27-ны өдрийн 18 цаг хүртэл  “Ди Би Эм ассет менежмент ҮЦК” ХХК-ийн цахим шуудан болон цаасаар Сүхбаатар дүүрэг, 6 дугаар хороо, Бага тойрог, 48 дугаар байр, 14 давхар, 1401 тоот хаягт хүлээн авна.

Нэмэлт мэдээллийг компанийн 77117977 дугаарын утаснаас авна уу.