Ажлын байрны зорилго:Компанийн хэрэгжүүлж буй төсөл хөтөлбөрүүдийн ерөнхий болон хэсэгчилсэн төлөвлөлт, дэд бүтэц, зураг төсөл, төлөвлөлт, гүйцэтгэл, хяналт, чанарын баталгаажуулалт, эрсдэлийн үнэлгээ хийх, төслийн бүтээн байгуулалтын ажлыг холбогдох журам, дүрэм, нормыг стандартын дагуу хэрэгжүүлэх.

Ажлын байрны зорилт:

1. Ерөнхий болон хэсэгчилсэн төлөвлөлт, дэд бүтцийн бүтээн байгуулалтын зураг төслийн захиалагч, гүйцэтгэгч болон бусад оролцогч талуудтай хамтран ажиллах, сонгон шалгаруулах тендерийн үйл ажиллагаа, гүйцэтгэгчтэй хийх гэрээ болон гэрээний хэрэгжилтийг хангах
2. Ерөнхий төлөвлөлт, хэсэгчилсэн төлөвлөлт болон дэд бүтцийн бүтээн байгуулалтын ажлын гүйцэтгэлийн зохион байгуулалт, чанар, стандартын хяналт, аюулгүй байдлыг хангах;
3. ҮТП-ийн газрын холбогдолтой харилцааг хариуцах, хэсэгчилсэн ерөнхий төлөвлөлтийн дагуу бүтээн байгуулалт хийгдэхэд хяналт тавьж ажиллах.

Боловсрол: Бакалавр болон түүнээс дээш боловсролын зэрэгтэй байх

Мэргэжил: Барилгын, дэд бүтцийн чиглэлийн инженер мэргэжилтэй

Мэргэшил: Инженерийн байгууламжийн бүтээн байгуулалт, аж үйлдвэрийн салбарт ажилласан туршлагатай, тухайн албан тушаалын чиг үүрэгт хамаарах мэргэшүүлэх сургалтад хамрагдаж төгссөн болон бүтээн байгуулалтын төсөл удирдаж байсан бол давуу тал болно.

Туршлага: Мэргэжлээрээ 3 болон түүнээс дээш жил ажилласан байх.

Ур чадвар:

• Ерөнхий төлөвлөлт, хэсэгчилсэн төлөвлөлт болон дэд бүтцийн бүтээн байгуулалтыг төлөвлөх, хяналт тавих чадвартай,

• AutoCAD, Revit, Civil 3D, SketchUp, зэрэг барилгын программууд,  MS Office, бусад хэрэглээний болон мэргэжлийн программ хангамжуудыг ашиглах чадвартай байх;

• Дэд бүтцийн бүтээн байгуулалтын норм, дүрэм, стандартуудын талаар гүнзгий мэдлэгтэй;
• Төслийн менежмент, инженерийн шийдэл боловсруулах ур чадвартай;
• Хөдөлмөрийн аюулгүй байдал, эрсдэлийн үнэлгээ хийх чадвартай;
• Гүйцэтгэгч компаниудтай хамтран ажиллах, гэрээний хяналт хийх чадвартай;
• Нэг ба түүнээс дээш гадаад хэлний мэдлэгтэй байх,
• Судалгаа шинжилгээ хийх, боловсруулах, дүгнэлт гаргах чадвартай байх;

• Багаар болон бие даан ажиллах чадвартай, ёс зүйн хэм хэмжээг баримталдаг, харилцааны өндөр соёлтой, байгууллагын нууц хадгалах;
• Хувийн зохион байгуулалт, ажлын цаг ашиглалт сайтай, өөрийн мэдлэг чадвар, өөрт байгаа мэдээллийг бусадтай хуваалцаж, баг хамт олныг үлгэрлэн манлайлдаг байх;

• Шаардлагатай тохиолдолд илүү цагаар ажиллах, төсөл хэрэгжих орон нутагт тодорхой хугацаагаар байрлан ажиллах боломжтой байх;

Монгол хэл бичгийн найруулга зүйн чадвартай.

БҮРДҮҮЛЭХ МАТЕРИАЛ:

1.Сонгон шалгаруулалтад оролцох хүсэлт (Сонгон шалгаруулалтад оролцох хүсэлтээ тодорхой бичиж, товч намтар, өөрийн мэдлэг, ур чадвар, туршлагын талаар илэрхийлэх);                    2.Төрийн албан хаагчийн анкет (2022 он, маягт №1)                                                                3.Нийгмийн даатгалын шимтгэл төлөлтийн лавлагаа (e-mongolia)

4.Боловсролын диплом, мэргэжлийн үнэмлэх, сургалт, семинарт хамрагдсан гэрчилгээ, сертификатын хуулбар, (гадаадад их, дээд сургууль төгссөн бол баталгаат орчуулгын хамт),

5.Иргэний үнэмлэхийн хуулбар,

6.Бүтээлийн жагсаалт (линкээр байж болно),

7.Ажил байдлын тодорхойлолт (өмнө нь ажиллаж байсан байгууллагын тодорхойлолт),

8.Хугацаа хэтэрсэн зээлийн өртэй эсэх лавлагаа (e-mongolia)

9.Эрүүгийн хариуцлага хүлээж байсан эсэх тухай лавлагаа (e-mongolia)

10.Бүрдүүлэх материалыг цахим шуудангаар ирүүлэхдээ нэг PDF файл болгох, нэг хаягаас зөвхөн нэг материал хүлээн авна.

11.Материалын бүрдэл дутуу тохиолдолд сонгон шалгаруулалтад бүртгэхгүй.

 СОНГОН ШАЛГАРУУЛАЛТЫН МАТЕРИАЛ ХҮЛЭЭН АВАХ ХУГАЦАА:

Сонгон шалгаруулалтад оролцох нэр дэвшигчийн материалыг 2025 оны 04 дүгээр сарын 04-ний өдрийн 17:00 цаг хүртэл   цахим хаягаар хүлээн авна. Утас: Ажлын өдрүүдэд ажлын цагаар 75883399.